Arunachal Pradesh Clash: భారత్-చైనా మధ్య ఘర్షణ, నేడు ఉభయ సభల్లో ప్రకటన చేయనున్న రక్షణమంత్రి రాజ్నాథ్ సింగ్, తవాంగ్ జిల్లాలో భారత్ భూబాగంలోకి చొచ్చుకువచ్చిన డ్రాగన్ సైనికులు
అరుణాచల్ ప్రదేశ్లో భారత్-చైనా దేశాల సైనికుల మధ్య తాజాగా చోటుచేసుకున్న ఘర్షణలపై రక్షణమంత్రి రాజ్నాథ్ సింగ్ ఇవాళ పార్లమెంట్ ఉభయసభల్లో ప్రకటనలు చేయనున్నారు. లోక్సభలో మధ్యాహ్నం 12 గంటలకు, రాజ్యసభలో మధ్యాహ్నం 2 గంటలకు రాజ్నాథ్ సింగ్ ప్రకటనలు చేసే అవకాశం ఉన్నది.
New Delhi, Dec 13: అరుణాచల్ ప్రదేశ్లో భారత్-చైనా దేశాల సైనికుల మధ్య తాజాగా చోటుచేసుకున్న ఘర్షణలపై రక్షణమంత్రి రాజ్నాథ్ సింగ్ ఇవాళ పార్లమెంట్ ఉభయసభల్లో ప్రకటనలు చేయనున్నారు. లోక్సభలో మధ్యాహ్నం 12 గంటలకు, రాజ్యసభలో మధ్యాహ్నం 2 గంటలకు రాజ్నాథ్ సింగ్ ప్రకటనలు చేసే అవకాశం ఉన్నది.
అరుణాచల్ ప్రదేశ్ రాష్ట్రంలోని తవాంగ్ సెక్టార్లో వాస్తవాధీన రేఖ వెంబడి ఈ నెల 9న భారత్-చైనా సైనికుల మధ్య ఘర్షణ చోటుచేసుకుంది. ఈ ఘర్షణలో పలువురు సైనికులకు గాయాలయ్యాయి. చైనా సైన్యం భారత భూభాగంలోకి చొచ్చుకురావడం ఘర్షణకు దారితీసింది. రక్షణ మంత్రిత్వ శాఖ ప్రకారం ఈ ఘటన తవాంగ్ జిల్లాలోని యంగ్స్టెలో ఈ సంఘటన డిసెంబర్ 9, 2022న చోటు చేసుకున్నట్లు తెలుస్తోంది. పీపుల్స్ లిబరేషన్ ఆర్మీ ఆఫ్ చైనా తవాంగ్లోని LACని చేరుకోవడానికి ప్రయత్నిస్తోంది.
చైనా సైనికుల ఈ చర్యను అక్కడ ఉన్న భారత సైనికులు తీవ్రంగా వ్యతిరేకించారు. ఈ సందర్భంగా ఇరు సేనల మధ్య తోపులాట కూడా జరిగింది. ఈ ఎదురుకాల్పుల్లో ఇరు దేశాలకు చెందిన కొందరు సైనికులు గాయపడ్డారు. అయితే, LAC చేరుకోవడానికి ప్రయత్నిస్తున్న చైనా దళాలను భారత సైనికులు వెనక్కి నెట్టారు.కాగా, ఈ ఘటనపై ప్రతిపక్షాలు తీవ్ర ఆగ్రహం వ్యక్తం చేస్తున్నాయి. ప్రభుత్వ చేతగాని తనంవల్లే చైనా రెచ్చిపోతున్నదని విమర్శిస్తున్నాయి.
(The above story first appeared on LatestLY on Dec 13, 2022 11:06 AM IST. For more news and updates on politics, world, sports, entertainment and lifestyle, log on to our website latestly.com).
