Bank Holidays in October 2023: అక్టోబరు నెలలో 15 రోజుల పాటు బ్యాంకులకు సెలవులు, చివరి వారంలోనే అత్యధిక సెలవులు, ఆర్బీఐ విడుదల చేసిన జాబితా ఇదిగో..

అక్టోబరు మాసంలో దసరా పండుగ ఉండడంతో పాటు పలు పర్వదినాలు ఉండడంతో, బ్యాంకులకు పెద్ద సంఖ్యలో సెలవులు వచ్చాయి. ముఖ్యంగా, అక్టోబరు చివరి వారంలో దాదాపు అన్నీ సెలవులే రానున్నాయి

Bank | Representative Image (Photo Credits: PTI)

Bank holidays in October 2023: అక్టోబరు మాసంలో దసరా పండుగ ఉండడంతో పాటు పలు పర్వదినాలు ఉండడంతో, బ్యాంకులకు పెద్ద సంఖ్యలో సెలవులు వచ్చాయి. ముఖ్యంగా, అక్టోబరు చివరి వారంలో దాదాపు అన్నీ సెలవులే రానున్నాయి. వచ్చే నెలలో బ్యాంకు సెలవుల జాబితాను రిజర్వ్ బ్యాంక్ ఆఫ్ ఇండియా తాజాగా విడుదల చేసింది. అయితే ఈ సెలవుల్లో కొన్ని దేశంలోని అన్ని ప్రాంతాలకు వర్తిస్తుండగా, కొన్ని సెలవులు కొన్ని నిర్దేశిత ప్రాంతాల్లోనే అమలు చేస్తారు. మీరు ముఖ్యమైన బ్యాంకు పనిని పూర్తి చేయాలని ప్లాన్ చేస్తుంటే, దానికంటే ముందు మీరు ఖచ్చితంగా అక్టోబర్ నెలలో వచ్చే సెలవుల గురించి తెలుసుకోవాలి.

రిజర్వ్ బ్యాంక్ ఆఫ్ ఇండియా (RBI) సెలవుల జాబితా ప్రకారం, వచ్చే నెలలో మొత్తం 15 రోజులకు పైగా సెలవులు ఉంటాయి.ఇందులో శని, ఆదివారం సెలవులు కూడా ఉన్నాయి. వాస్తవానికి, అక్టోబర్ నెలలో ఐదు ఆదివారాలు వస్తాయి. దీనితో పాటు, రెండవ, నాల్గవ శనివారం బ్యాంకులకు సెలవు ఉంది, అంటే ఈ ఏడు సెలవులు దేశం మొత్తంగా నిర్ణయించబడ్డాయి.

ప్ర‌పంచంలోనే ఆధార్ కార్డు అత్యంత న‌మ్మ‌క‌మైన డిజిట‌ల్ ఐడీ, మూడీస్ ఇచ్చిన డేటాను తోసి పుచ్చిన UIDAI, ఎటువంటి ఆధారాలు లేకుండా ఆరోపణలు చేస్తుందని మండిపాటు

బ్యాంకులు మూసివేయబడినప్పటికీ, కస్టమర్‌లు అనేక రకాల పనులను డిజిటల్‌గా పూర్తి చేయగలరు. UPI, మొబైల్ బ్యాంకింగ్ లేదా ఇంటర్నెట్ బ్యాంకింగ్ వంటి డిజిటల్ సేవలపై బ్యాంక్ సెలవులు ప్రభావం చూపవు. అటువంటి పరిస్థితిలో, మీ పని ఏదైనా డిజిటల్‌గా చేయగలిగితే, సెలవులు దానిపై ఎటువంటి ప్రభావం చూపవు. మీరు ఎక్కడైనా హాయిగా మీ పనిని పూర్తి చేసుకోవచ్చు.

అక్టోబరు నెలలో బ్యాంకులకు సెలవులు ఇవే...

అక్టోబరు 2- గాంధీ జయంతి

అక్టోబరు 14- రెండో శనివారం

అక్టోబరు 15- ఆదివారం

అక్టోబరు 18- కాతి బిహూ పర్వదినం (అసోంలోని బ్యాంకులకు సెలవు)

అక్టోబరు 19- సంవత్సరి పర్వదినం (గుజరాత్ లోని బ్యాంకులకు సెలవు)

అక్టోబరు 21- దుర్గా పూజ

అక్టోబరు 22- ఆదివారం

అక్టోబరు 23- మహా నవమి

అక్టోబరు 24- దసరా (విజయదశమి)

అక్టోబరు 25- దుర్గాపూజ

అక్టోబరు 26- విలీన దినోత్సవం (జమ్మూ కశ్మీర్ లోని బ్యాంకులకు సెలవు)