Mumbai Lawyer Attacked by Goons: పట్టపగలు నడిరోడ్డు మీద న్యాయవాదిపై కత్తులతో దాడి, ముంబైలో కలకలం రేపిన ఘటన, స్థల వివాదం కేసు స్వీకరించడమే కారణం, కేసు నమోదు చేసుకుని విచారణ చేపట్టిన ఎంహెచ్బీ కాలనీ పోలీసులు
ముంబైలో దారుణ ఘటన చోటు చేసుకుంది. ఓ స్థలం వివాదం విషయంలో వాదోపవాదనలు వినిపిస్తున్న న్యాయవాదిపై (Lawyer Satyadev Joshi Attacked) నడిరోడ్డు మీదే కొందరు దుండగులు పదునైన ఆయుధాలతో మూకుమ్మడి దాడి చేశారు. కత్తులు, రాడ్లతో విచక్షణరహితంగా దాడికి పాల్పడ్డారు. పట్టపగలు నడిరోడ్డుపై 15- 20 మందికి పైగా దాడి చేయడంతో ఆ న్యాయవాది (Mumbai Lawyer Satyadev Joshi) తీవ్ర గాయాలపాలయ్యారు.
Mumbai, July 19: ముంబైలో దారుణ ఘటన చోటు చేసుకుంది. ఓ స్థలం వివాదం విషయంలో వాదోపవాదనలు వినిపిస్తున్న న్యాయవాదిపై (Lawyer Satyadev Joshi Attacked) నడిరోడ్డు మీదే కొందరు దుండగులు పదునైన ఆయుధాలతో మూకుమ్మడి దాడి చేశారు. కత్తులు, రాడ్లతో విచక్షణరహితంగా దాడికి పాల్పడ్డారు.
పట్టపగలు నడిరోడ్డుపై 15- 20 మందికి పైగా దాడి చేయడంతో ఆ న్యాయవాది (Mumbai Lawyer Satyadev Joshi) తీవ్ర గాయాలపాలయ్యారు. ప్రస్తుతం ఆ న్యాయవాది (Mumbai Lawyer) ఆస్పత్రిలో కొన ఊపిరితో కొట్టుమిట్టాడుతున్నారు. ఈ ఘటన మహారాష్ట్ర రాజధాని ముంబైలో కలకలం రేపింది. ఈ దాడికి సంబంధించిన వీడియో వైరల్గా మారింది.
Advocate Madan J Gupta ట్వీట్ చేసిన వీడియో ప్రకారం...ముంబైకి చెందిన న్యాయవాది సత్యదేవ్ జోషి ఓ స్థలం వివాదంపై కేసు స్వీకరించారు. ప్రస్తుతం న్యాయస్థానంలో ఆ కేసు విచారణ కొనసాగుతోంది. ఈ క్రమంలో ఆ స్థలాన్ని పరిశీలించేందుకు ఆదివారం మధ్యాహ్నం కారులో తన సహాయకుడు అంకిత్ టాండన్తో కలిసి బయల్దేరారు. ఈ విషయం తెలుసుకున్న ప్రత్యర్థులు న్యాయవాది కారును వెంబడించి పశ్చిమ ముంబైలోని దహిసర్ ప్రాంతంలో అడ్డగించారు.
కారు దిగిన తరువాత అతనిపై కత్తులు, ఇనుప రాడ్లతో దాడికి పాల్పడ్డారు. అందరూ చూస్తుండగా ఈ ఘటన జరిగింది. దీంతో అక్కడ భయానక వాతావరణం ఏర్పడింది. ఏకంగా 14 మంది ఉండడంతో ప్రజలు భయాందోళన చెందారు. ఈ దాడిని అడ్డుకునేందుకు ప్రయత్నించిన వారిపై కూడా ఆ ముఠా దాడికి పాల్పడింది. ఈ దారుణ ఘటనపై కేసు నమోదు చేసుకున్న ఎంహెచ్బీ కాలనీ పోలీసులు విచారణ చేపట్టారు.
Here's Watch the video of the attack
Adv. Satyadev Joshi came to be assaulted today with swords & such deadly weapons by local goons at Kandivali while rendering professional services to a client. He is hospitalised.
This shows the law and order condition of Mum. @AUThackeray @OfficeofUT @Dwalsepatil @Dev_Fadnavis pic.twitter.com/3ZTuT1JyVz
— Adv Madan J. Gupta (@AdvmadanG) July 18, 2021
నిందితులు బొరివలీకి చెందిన వారుగా గుర్తించారు. దాడికి పాల్పడిన వారిలో ముగ్గురిని సోమవారం పోలీసులు అరెస్ట్ చేశారు. మిగతా వారిని కూడా అదుపులోకి తీసుకునేందుకు పోలీసులు గాలిస్తున్నారు. అయితే న్యాయవాదిపై దాడి చేసిన దృశ్యాలు సోషల్ మీడియా ద్వారా బయటకు వచ్చాయి.
(The above story first appeared on LatestLY on Jul 19, 2021 04:59 PM IST. For more news and updates on politics, world, sports, entertainment and lifestyle, log on to our website latestly.com).
