Rajasthan Shocker: మళ్ళీ నిర్భయ ఘటన, ప్రైవేట్ భాగాల్లో పదునైన వస్తువులు చొప్పించి బాలికపై దారుణంగా అత్యాచారం, ఆస్పత్రుల్లో మృత్యువుతో పోరాడుతున్న దివ్యాంగురాలు
రాజస్థాన్ రాష్ట్రంలో ఢిల్లీలాంటి మరో నిర్భయ ఘటన చోటు చేసుకుంది. అల్వార్ జిల్లాలో పదహారేళ్ల బాలికపై సామూహిక అత్యాచారం (Minor Girl Raped) చేయడంతోపాటు కామాంధులు ఆమె ప్రైవేటు భాగంలో పదునైన వస్తువులను చొప్పించారు.
Alwar, Jan 13: రాజస్థాన్ రాష్ట్రంలో ఢిల్లీ లాంటి మరో నిర్భయ ఘటన చోటు చేసుకుంది. అల్వార్ జిల్లాలో పదహారేళ్ల బాలికపై సామూహిక అత్యాచారం (Minor Girl Raped) చేయడంతోపాటు కామాంధులు ఆమె ప్రైవేటు భాగంలో పదునైన వస్తువులను చొప్పించారు. అల్వారా పట్టణంలోని తిజారా ఫ్లైఓవర్ కింద గల నిర్మానుష్య ప్రదేశంలో ఓ దివ్యాంగ బాలిక అపస్మారక స్థితిలో (Dumped Near A Flyover In Alwar) పడినట్లు పోలీసులకి సమాచారం అందింది. వెంటనే బాలికను చికిత్స కోసం హాస్పిటల్కు తరలించగా ఆమెపై అత్యాచారం జరిగినట్లు తెలిసింది.
పోలీసులు తెలిపిన వివరాల ప్రకారం.. అల్వార్ ప్రాంతంలోని తిజారా ఫ్లైఓవర్ కింద ఫ్లైఓవర్ పై అపస్మారక స్థితిలో ఉన్న దివ్యాంగ బాలికను కొందరు గుర్తించి పోలీసులకి సమాచారం అందించారు. వెంటనే అక్కడకు చేరుకున్న పోలీసులు రక్తపు మడుగులో పడి ఉన్న బాలికను ఆసుపత్రికి తరలించారు. బాలిక పరిస్థితి విషమంగా ఉండటంతో ఆమెను జైపూర్ నగరంలోని జేకే లోన్ ఆసుపత్రికి తరలించారు. బాధిత బాలికకు రక్త స్రావం ఆగకపోవడంతో వైద్యులు రెండున్నర గంటలపాటు ఆపరేషన్ చేశారు.
బాలిక ప్రైవేటు పార్టులో పదునైన వస్తువులను చొప్పించడంతో (sharp objects inserted into her private parts) ఆమె అంతర్గత అవయవాలకు తీవ్ర గాయాలయ్యాయని వైద్యులు చెప్పారు. బాలికను ఇంటెన్సివ్ కేర్ యూనిట్ లో ఉంచి చికిత్స చేస్తున్నామని డాక్టర్ అరవింద్ శుక్లా చెప్పారు. బాలిక పరిస్థితి విషమంగా ఉందని అన్నారు. ఈ ఘటనపై కేసు నమోదు చేసుకున్న పోలీసులు నిందితుల కోసం దర్యాప్తు ప్రారంభించారు. 25 కిలోమీటర్ల పరిధిలో ఏర్పాటు చేసిన 300కు పైగా సీసీటీవీ కెమెరాల ఫుటేజీని పరిశీలించామని, అయితే ఎలాంటి ఆధారాలు లభించలేదని పోలీసులు చెప్పారు.
నిందితులను త్వరలోనే పట్టుకుంటామని రాజస్థాన్ మహిళా శిశు అభివృద్ధి శాఖ మంత్రి మమతా భూపేష్ హామీ ఇచ్చారు. రాజస్థాన్ ముఖ్యమంత్రి అశోక్ గెహ్లాట్ అల్వార్ ఘటనపై డైరెక్టర్ జనరల్ ఆఫ్ పోలీస్ నుండి నివేదికను కోరారని సమగ్ర దర్యాప్తు కోసం (investigation underway) కోరినట్లు అధికారిక వర్గాలు పిటిఐకి తెలిపాయి.
Here's ANI Tweet
The girl is stable under the observation of doctors. She was operated on yesterday for around 3 hours in the afternoon & her health was stable in the evening. We are not giving her food orally: Dr Arvind Kumar Shukla, JK Lone Hospital, Jaipur pic.twitter.com/H2N6udVmUT
— ANI (@ANI) January 13, 2022
A specially-abled minor girl was found in an abandoned condition on the Tijara flyover in Alwar, Rajasthan. The girl was admitted to the hospital where it was found that there has been a lot of bleeding from her private part. Police are probing the matter: SP Tejaswani Gautam pic.twitter.com/3vMHbczDG4
— ANI (@ANI) January 12, 2022
రాజస్థాన్ మంత్రి మమతా భూపేష్ బాలిక కుటుంబానికి రూ.6 లక్షల పరిహారం ప్రకటించారు. రూ.6 లక్షలలో రూ.5 లక్షలు రాజస్థాన్ ముఖ్యమంత్రి అశోక్ గెహ్లాట్, రూ. లక్షను మహిళా శిశు అభివృద్ధి మంత్రిత్వ శాఖ అందించింది.అల్వార్లోని బాధిత కుటుంబ సభ్యులకు సామాజిక న్యాయ శాఖ మంత్రి టికారమ్ జూలీ రూ. 3.5 లక్షల ఆర్థిక సహాయాన్ని కూడా ప్రకటించారు. కాగా బాధితురాలి తల్లిదండ్రులు కూలీ పనులు చేసుకుంటూ జీవిస్తుండగా ఆమెకు సోదరుడు, సోదరి ఉన్నారు.
Here's Vasundhara Raje Tweet
नारी स्वाभिमान के पर्याय राजस्थान में बेटियों पर हो रहे अत्याचार को बर्दाश्त नहीं किया जा सकता। महिलाओं के खिलाफ अपराध के मामले में देश में न.1 बन चुके राजस्थान को शोषण मुक्त बनाने के लिए कांग्रेस सरकार को सख्त कदम उठाने चाहिए।#Rajasthan #Alwar
— Vasundhara Raje (@VasundharaBJP) January 12, 2022
రాజస్థాన్లో మహిళల భద్రతపై ఆ రాష్ట్ర మాజీ ముఖ్యమంత్రి వసుంధర రాజే సింధియా తీవ్ర ప్రశ్నలు సంధించారు. మహిళలపై జరిగే నేరాల్లో రాజస్థాన్ నంబర్ వన్గా నిలిచింది. దీన్ని సహించలేం. మహిళల రక్షణకు, దోపిడీ నుంచి వారిని కాపాడేందుకు కాంగ్రెస్ ప్రభుత్వం తక్షణ చర్యలు చేపట్టాలని ట్విట్టర్ వేదికగా మండిపడ్డారు.
(The above story first appeared on LatestLY on Jan 13, 2022 04:54 PM IST. For more news and updates on politics, world, sports, entertainment and lifestyle, log on to our website latestly.com).
