Tamil Nadu Shocker: పోలీసులు కాదు కామాంధులు, పుల్లుగా తాగి యువతిపై ఆమె స్నేహితుడు ముందే అత్యాచారం, నలుగురిని సస్పెండ్ చేసి జైలుకు పంపిన అధికారులు
నలుగురు పోలీసులు బాలికపై లైంగిక దాడికి పాల్పడ్డారు. బాధితురాలి ఫిర్యాదుతో వారిని సస్పెండ్ చేయడంతోపాటు అరెస్ట్‌ చేశారు. (policemen arrested) తమిళనాడులోని తిరుచ్చి జిల్లాలో ఈ సంఘటన జరిగింది.
Chennai, Oct 10: తమిళనాడులోని తిరుచ్చిలో బాలికపై లైంగిక వేధింపుల ఆరోపణలపై నలుగురు పోలీసులను అరెస్టు చేసి జైలుకు పంపారు. అంతకుముందు, గురువారం, మైనర్ బాధితుల ఫిర్యాదుతో ఈ పోలీసు అధికారులను సస్పెండ్ చేశారు .వారిపై లైంగిక నేరాల నుంచి పిల్లల రక్షణ చట్టం (పోక్సో)లోని వివిధ సెక్షన్ల కింద అభియోగాలు మోపారు.నలుగురు నిందితులను శశికుమార్, శంకరపాండి, ప్రసాద్, సిద్ధార్థ్‌లుగా గుర్తించారు.
పోలీసులు తెలిపిన వివరాల ప్రకారం.. బాలిక మగ స్నేహితుడితో కలిసి వెళ్తుండగా ఈ ఘటన చోటుచేసుకుంది. మద్యం సేవిస్తున్న నలుగురు నిందితులు అయిన పోలీసులు ఇద్దరిని ఆపి విచారించారు.ఈ సమయంలో, పోలీసులు అమ్మాయి స్నేహితుడిపై దాడి చేసి, ఆపై ఆమెపై దాడి చేశారు. మద్యం మత్తులో ఉన్న నలుగురు పోలీసులు బాధితులతో వాగ్వాదానికి దిగిన తర్వాత ఈ దాడి జరిగింది. ఆ తర్వాత బాలికపై లైంగిక దాడికి పాల్పడ్డారు. మొబైల్‌ ఫోన్‌లో వీడియో రికార్డ్‌ చేశారు. దీని గురించి ఎవరికైనా చెబితే తీవ్ర పరిణామాలు ఎదుర్కోవాల్సి ఉంటుందని హెచ్చరించారు.
అనంతరం బాధిత బాలిక ఆసుపత్రికి వెళ్లింది. పరీక్షించిన వైద్యులు ఆమెపై లైంగిక దాడి జరిగినట్లు పోలీసులకు సమాచారం ఇచ్చారు. ఈ నేపథ్యంలో బాధితురాలి నుంచి ఫిర్యాదు స్వీకరించారు. ఈ సంఘటనపై పోలీస్‌ ఉన్నతాధికారులు స్పందించారు. బాలికపై లైంగిక దాడికి పాల్పడిన నలుగురు పోలీసులను శశికుమార్, శంకరపాండి, ప్రసాద్, సిద్ధార్థ్‌గా గుర్తించారు. గురువారం వారిని సస్పెండ్ చేయగా తాజాగా ఆ నలుగురు పోలీసులను అరెస్ట్‌ చేశారు. పోక్సో చట్టంతోపాటు పలు సెక్షన్ల కింద కేసు నమోదు చేసి దర్యాప్తు చేస్తున్నారు.
(The above story first appeared on LatestLY on Oct 10, 2023 12:25 PM IST. For more news and updates on politics, world, sports, entertainment and lifestyle, log on to our website latestly.com).
