Super Earth: భూమిని పోలిన మరో గ్రహం గుర్తింపు.. మన గ్రహానికి 37 కాంతి సంవత్సరాల దూరంలో..
భూమికి 37 కాంతి సంవత్సరాల దూరంలో రాస్ 508బీ అనే ఓ గ్రహాన్ని (సూపర్ ఎర్త్) పరిశోధకులు తాజాగా గుర్తించారు.
Newyork, August 5: జనాభా (Population) విస్పోటం, కాలుష్యం (Pollution) పెరిగిపోవడంతో భూమిని పోలినటువంటి మరే ఇతర గ్రహాలైనా విశ్వంలో ఉన్నాయా? అనే వివరాలు తెలుసుకోవడానికి శాస్త్రవేత్తలు తమ ప్రయత్నాలు ముమ్మరం చేశారు. ఈ క్రమంలో భూమికి 37 కాంతి సంవత్సరాల దూరంలో ఓ గ్రహాన్ని కనుగొన్నారు. దాని పేరు రాస్ 508బీ. సూపర్ ఎర్త్ (Super Earth) అని కూడా పిలుస్తున్నారు. కారణం భూమిపై ఉన్న వాతావరణమే.. ఈ గ్రహంపై ఉండే అవకాశాలు మెండుగా ఉండటం. సూర్యుడి (Sun)కి భూమి మధ్య దూరం కంటే కేవలం 0.05 రెట్లు ఎక్కువ దూరంలోనే రాస్ 508బీ తన నక్షత్రం(Star)తో ఎడంగా ఉన్నదని పరిశోధకులు తెలిపారు. దీంతో ఆ గ్రహంపై నీరు ఉండే అవకాశం లేకపోలేదంటున్నారు. జీవం ఉండటానికి కూడా పరిస్థితులు దోహదపడొచ్చని అభిప్రాయపడుతున్నారు.
భూమి కంటే నాలుగు రెట్లు ఎక్కువ బరువుతో ఉన్న ఈ గ్రహం అక్కడి నక్షత్రం చుట్టూ ఒకసారి పరిభ్రమణం చేయడానికి 10.8 రోజులు పడుతుంది. ఒకవేళ ఈ గ్రహంపై జీవనానికి అనుకూల పరిస్థితులు ఉంటే, అది భవిష్యత్తు తరాలకు ఎంతో మేలు చేస్తుందని అంటున్నారు.
(The above story first appeared on LatestLY on Aug 05, 2022 03:25 AM IST. For more news and updates on politics, world, sports, entertainment and lifestyle, log on to our website latestly.com).
