CSK vs PBKS: పంజాబ్ ఆల్రౌండ్ పర్మామెన్స్, చివరిబాల్ వరకు ఉత్కంఠగా సాగిన మ్యాచ్లో చెన్నైపై పంజాబ్ కింగ్స్ విజయం
ఇండియన్ ప్రీమియర్ లీగ్(IPL)2023లో భాగంగా చెన్నైలోని చిదంబరం స్టేడియంలో చెన్నై సూపర్ కింగ్స్(Chennai Super Kings) తో జరిగిన ఉత్కంఠ పోరులో పంజాబ్ కింగ్స్(Punjab Kings) 4 వికెట్ల తేడాతో విజయం సాధించింది. చెన్నై (CSK) నిర్దేశించిన 201 పరుగుల లక్ష్యాన్ని పంజాబ్ సరిగ్గా 20 ఓవర్లలో ఆరు వికెట్లు కోల్పోయి ఛేదించింది.
Chennai, April 30: ఇండియన్ ప్రీమియర్ లీగ్(IPL)2023లో భాగంగా చెన్నైలోని చిదంబరం స్టేడియంలో చెన్నై సూపర్ కింగ్స్(Chennai Super Kings) తో జరిగిన ఉత్కంఠ పోరులో పంజాబ్ కింగ్స్(Punjab Kings) 4 వికెట్ల తేడాతో విజయం సాధించింది. చెన్నై (CSK) నిర్దేశించిన 201 పరుగుల లక్ష్యాన్ని పంజాబ్ సరిగ్గా 20 ఓవర్లలో ఆరు వికెట్లు కోల్పోయి ఛేదించింది. ఆఖరి బంతి 3 పరుగులు కావాల్సి ఉండగా సికిందర్ రజా (Siknder raza) మూడు పరుగులు తీయడంతో విజయం పంజాబ్ సొంతమైంది. పంజాబ్ బ్యాటర్లలో ప్రభసిమ్రాన్ సింగ్(42; 24 బంతుల్లో 4 ఫోర్లు, 2సిక్సర్లు), లివింగ్ స్టోన్(40; 24 బంతుల్లో 1ఫోర్, 4 సిక్సర్లు) రాణించగా ఆఖర్లో జితేశ్ శర్మ(21; 10 బంతుల్లో 2 ఫోర్లు, 1 సిక్స్), సికిందర్ రజా(13 నాటౌట్; 7 బంతుల్లో 1 ఫోర్) ధాటిగా ఆడడంతో ఆఖరి బంతికి గెలిచింది.
Match 41. Punjab Kings Won by 4 Wicket(s) https://t.co/FS5brqfoVq #TATAIPL #CSKvPBKS #IPL2023
— IndianPremierLeague (@IPL) April 30, 2023
చెన్నై బౌలర్లలో తుషార్ దేశ్పాండే మూడు వికెట్లు తీయగా రవీంద్ర జడేజా రెండు వికెట్లు, పతిరణా ఓ వికెట్ పడగొట్టాడు. అంతకముందు టాస్ గెలిచి బ్యాటింగ్ ఎంచుకున్న చెన్నై నిర్ణీత 20 ఓవర్లలో నాలుగు వికెట్ల నష్టానికి 200 పరుగులు చేసింది. చెన్నై బ్యాటర్లలో ఓపెనర్ డేవాన్ కాన్వే(92నాటౌట్; 52 బంతుల్లో 16 ఫోర్లు, 1సిక్స్) దంచికొట్టగా.. రుతురాజ్ గైక్వాడ్(37; 31 బంతుల్లో 4 ఫోర్లు, 1 సిక్స్), శివమ్ దూబే(28; 17 బంతుల్లో 1 ఫోర్, 2 సిక్సర్లు) రాణించారు.
రవీంద్ర జడేజా(12), మోయిన్ అలీ(10) విఫలమైన ఆఖరి ఓవర్లో ధోని (13 నాటౌట్; 4 బంతుల్లో 2సిక్సర్లు) రెండు సిక్సర్లు కొట్టడంతో చెన్నై స్కోరు 200 చేరింది. పంజాబ్ బౌలర్లలో అర్ష్దీప్ సింగ్, సామ్ కరన్, రాహుల్ చహర్, సికిందర్ రజాలు తలా ఓ వికెట్ తీశారు.
(The above story first appeared on LatestLY on Apr 30, 2023 07:55 PM IST. For more news and updates on politics, world, sports, entertainment and lifestyle, log on to our website latestly.com).
