RCB Name Change: ఐపీఎల్ సీజన్ ముందు కీలక నిర్ణయం తీసుకున్న ఆర్సీబీ, పేరు మార్చుకున్న రాయల్ ఛాలెంజర్స్ బెంగళూరు
RCB (Photo-IPL)

Bangalore, March 14: ప్ర‌తీ సీజ‌న్‌కు ముందు క‌ప్పు మ‌న‌దే అంటూ రావ‌డం చివ‌రికి ఊసూరుమ‌నిపించ‌డం రాయ‌ల్ ఛాలెంజ‌ర్స్ బెంగ‌ళూరుకు అల‌వాటుగా మారింది. 16 సీజ‌న్లు ముగిసిన ఐపీఎల్ ట్రోఫీ ఆర్‌సీబీకి అంద‌ని ద్రాక్ష‌గానే మిగిలింది. ఇప్పుడు 17వ సీజ‌న్ మొద‌లు కానున్న నేప‌థ్యంలో ఈ సారి అయినా ఆ జ‌ట్టు ట్రోఫీ అందుకోవాల‌ని అభిమానులు కోరుకుంటున్నారు. ఈ క్ర‌మంలో ఆర్‌సీబీ కీల‌క నిర్ణ‌యం తీసుకున్న‌ట్లుగా తెలుస్తోంది. ప‌లుమార్లు ఆ టీమ్ లోగోతో పాటు కోచ్‌, ఆట‌గాళ్ల‌ను మార్చినా ఫ‌లితం క‌నిపించ‌లేదు. అందుక‌నే ఈ సారి ఆ జ‌ట్టు పేరును స్వ‌ల్పంగా మార్చాల‌ని భావిస్తోంద‌ని వార్త‌లు వ‌స్తున్నాయి. ఆర్‌సీబీ త‌న పేరును ఇంగ్లీష్‌లో Royal Challengers Bangalore గా రాస్తోంది. ఇకపై Royal Challengers Bengaluru గా మార్చ‌నుంద‌ని అంటున్నారు. ఆర్‌సీబీ విడుద‌ల చేసిన ఓ వీడియో ఈ వార్త‌ల‌కు బ‌లాన్ని చేకూరుస్తోంది. ఈ వీడియోలో శాండల్‌వుడ్ స్టార్ హీరో రిష‌బ్ శెట్టి క‌నిపించాడు. మూడు దున్న‌ల‌పై రాయల్ (Royal), ఛాలెంజర్స్‌(Challengers), బెంగళూరు(Bangalore) అని రాసి ఉంటుంది. ఇందులో బెంగళూరు(Bangalore) అని రాసి ఉన్న దున్నను తీసుకుపొమ్మ‌ని అంటాడు.

Rohit Sharma on Retirement: రిటైర్మెంట్ పై హింట్ ఇచ్చిన రోహిత్ శర్మ, స్థాయికి తగ్గట్లు ఆడటం లేదనిపిస్తే నిష్క్రమిస్తా! 

క్రికెటేత‌ర ఆట‌ల్లో Bangalore అని కాకుండా Bengaluru అని రాస్తుంటారు. ఈ క్ర‌మంలో ఆర్‌సీబీ పేరును అలా మార్చాల‌ని ప‌లువురు ఫ్యాన్స్ కోరారు. దీంతో పేరు మార్పును చేస్తున్న‌ట్లుగా తెలుస్తోంది. మార్చి 19 బెంగ‌ళూరులోని చిన్న‌స్వామి స్టేడియంలో ఆన్‌బాక్స్ పేరుతో ఓ ఈవెంట్‌ను నిర్వ‌హించ‌నున్నారు. ఈ ఈవెంట్‌లో పేరు మార్పుపై ప్ర‌క‌ట‌న వెలువ‌డే అవ‌కాశం ఉంది. మార్చి 22న ఐపీఎల్ ఆరంభం కానుంది. మొద‌టి మ్యాచ్‌లో చెన్నై సూప‌ర్ కింగ్స్‌తో రాయ‌ల్ ఛాలెంజ‌ర్స్ బెంగ‌ళూరు త‌ల‌ప‌డ‌నుంది. ఈ మ్యాచ్‌కు చెన్నైలోని చెపాక్ మైదానం వేదిక కానుంది.