Gym Owner Sells Steroids in Hyd: కండలు పెంచుకునేందుకు స్టెరాయిడ్లు, ఇంజక్షన్లు అమ్మకం, జిమ్ ఓనర్ను అరెస్ట్ చేసిన హైదరాబాద్ పోలీసులు
స్టెరాయిడ్లు, కండలు పెంచేందుకు ఇంజక్షన్లు విక్రయిస్తున్న ఇద్దరు వ్యక్తులను హైదరాబాద్లోని సైబరాబాద్ పోలీసులు ఇటీవల నగరంలో అరెస్టు చేశారు. నిందితులు స్టెరాయిడ్స్, ట్యాబ్లెట్లు, ఇంజెక్షన్లు విక్రయించారని, ఇవి కండరాలను బలపరిచేందుకు, శక్తిని పెంచడానికి సహాయపడతాయని పోలీసులు తెలిపారు. 10 లక్షల విలువైన సామాగ్రిని కూడా పోలీసులు స్వాధీనం చేసుకున్నారు.
Hyd, August 31: స్టెరాయిడ్లు, కండలు పెంచేందుకు ఇంజక్షన్లు విక్రయిస్తున్న ఇద్దరు వ్యక్తులను హైదరాబాద్లోని సైబరాబాద్ పోలీసులు ఇటీవల నగరంలో అరెస్టు చేశారు. నిందితులు స్టెరాయిడ్స్, ట్యాబ్లెట్లు, ఇంజెక్షన్లు విక్రయించారని, ఇవి కండరాలను బలపరిచేందుకు, శక్తిని పెంచడానికి సహాయపడతాయని పోలీసులు తెలిపారు. 10 లక్షల విలువైన సామాగ్రిని కూడా పోలీసులు స్వాధీనం చేసుకున్నారు.
టైమ్స్ ఆఫ్ ఇండియాలో వచ్చిన కథనం ప్రకారం , మాదాపూర్ జోన్కు చెందిన పోలీసులు, స్పెషల్ ఆపరేషన్స్ టీమ్ (SOT), డ్రగ్స్ నిరోధక బృందం పక్కా సమాచారం అందుకున్న తరువాత వల వేసి నిందితులను అరెస్టు చేశారు. నిందితులను అహ్మద్ బిన్ అబ్దుల్ ఖాదర్ (33), ఎండీ ఇబ్రహీం (27)గా గుర్తించారు. ఖాదర్ చాంద్రాయణగుట్టలో జిమ్ యజమాని, శిక్షకుడు కాగా, అతని సహచరుడు ఇబ్రహీం క్యాబ్ డ్రైవర్.
విచారణలో, ఖాదర్ చాంద్రాయణగుట్టలోని అల్-నహ్ది ఫిట్నెస్ క్లబ్ను కలిగి ఉన్నాడని, గత సంవత్సరంగా ఫిట్నెస్ ప్లేస్ను నడుపుతున్నాడని పోలీసులకు తెలిసింది. అరెస్టు గురించి SOT DCP MA రషీద్ మాట్లాడుతూ, "కస్టమర్ల కొరత కారణంగా జిమ్ ద్వారా తన సంపాదన సరిపోకపోవడంతో, అతను కస్టమర్లను ఆకర్షించడానికి నిషేధిత స్టామినా-బూస్టర్ ఇంజెక్షన్లను విక్రయించడానికి ఒక ప్రణాళికను రూపొందించాడు."
ఇబ్రహీం నుంచి ఖాదర్ ఇంజెక్షన్లు, ట్యాబ్లెట్లు, స్టెరాయిడ్స్ కొనుగోలు చేసినట్లు సమాచారం అని డీసీపీ తెలిపారు. నిందితుడు ఒక్కో ఇంజక్షన్ సీసాను రూ.300కు కొనుగోలు చేసి తన ఖాతాదారులకు రూ.1400కు విక్రయించాడు. అతని అరెస్టు తర్వాత, ఖాదర్ తన నేరాన్ని అంగీకరించాడు. అతని వ్యాయామశాలలో డ్రగ్స్ గురించి పోలీసులకు చెప్పాడు. దీంతో అతని జిమ్లో రూ.10 లక్షల విలువైన ఇంజెక్షన్లు, ట్యాబ్లెట్లను పోలీసులు స్వాధీనం చేసుకున్నారు.
ఇదిలా ఉండగా నగరంలో డ్రగ్స్ విక్రయాలు, వినియోగం జరిగినా తమకు సమాచారం ఇవ్వాలని పోలీసులు ప్రజలను కోరారు. పౌరులు తమ ఫిర్యాదులను నమోదు చేసుకోవడానికి 100కి డయల్ చేయవచ్చు లేదా సైబరాబాద్ ఎన్డిపిఎస్ ఎన్ఫోర్స్మెంట్ సెల్ నెం 7901105423 మరియు సైబరాబాద్ వాట్సాప్ నెం 9490617444కి కాల్ చేయవచ్చని తెలిపారు.
(The above story first appeared on LatestLY on Aug 31, 2023 07:16 PM IST. For more news and updates on politics, world, sports, entertainment and lifestyle, log on to our website latestly.com).
