Medak Shocker: లోన్ కావాలా..అయితే నాతో ప్రైవేట్గా గడుపు.., మహిళకు అసభ్యకర సందేశాలు పంపిన మున్సిపల్ శానిటరీ ఇన్స్పెక్టర్ను చితకబాదిన మహిళ, ఆమె కుటుంబ సభ్యులు, మెదక్ జిల్లాలో ఘటన
మెదక్ జిల్లాలో లైంగిక వేధింపులకు పాల్పడుతున్నాడని మున్సిపల్ శానిటరీ ఇన్స్పెక్టర్ వెంకన్నను మహిళతో పాటు ఆమె బంధువులు చితకబాదిన సంఘటన శనివారం ఆలస్యంగా వెలుగులోకి వచ్చింది.
Medak, August 1: మెదక్ జిల్లాలో లైంగిక వేధింపులకు పాల్పడుతున్నాడని మున్సిపల్ శానిటరీ ఇన్స్పెక్టర్ వెంకన్నను మహిళతో పాటు ఆమె బంధువులు చితకబాదిన సంఘటన శనివారం ఆలస్యంగా వెలుగులోకి వచ్చింది. స్థానికులు తెలిపిన వివరాల ప్రకారం.. సిద్దాపూర్ కాలనీకి చెందిన ఓ మహిళ కొత్త ఇంటి నిర్మాణం కోసం మున్సిపల్ కార్యాలయంలో దరఖాస్తు చేసుకుంది.
ఈ దరఖాస్తు విషయం తెలుసుకున్న శానిటరీ ఇన్స్పెక్టర్ వెంకన్న ఆమె ఫోన్ నంబర్ తీసుకున్నాడు. తాను లోన్ ఇప్పిస్తానంటూ ఆమెతో ఫోన్లో అసభ్యకరంగా (committing sexual harassment) మాట్లాడటం ప్రారంభించాడు. మనం ఎవరు లేని చోట మాట్లాడుకుందామంటూ ఆమెతొ చెబుతూ వస్తున్నాడు.. ఈ విషయాన్ని ఆమె తన భర్తకు తెలిపింది.
గురువారం సాయంత్రం బాధిత మహిళ కుటుంబ సభ్యులు వెంకన్న ఇంటికి వెళ్లి అతడిని (woman Beaten up municipal sanitary inspector) చితకబాదారు. గుర్తు తెలియని వ్యక్తి ఈ తతంగాన్ని వీడియో తీసి సోషల్ మీడియాలో శనివారం పోస్టు చేయడంతో విషయం బట్టబయలైంది. శానిటరీ ఇన్స్పెక్టర్, బాధిత మహిళ పరస్పరం ఫిర్యాదు చేసినా పోలీసులు కేసు నమోదు చేయలేదు. ఇరువురు పోలీస్ స్టేషన్లో రాజీ చేసుకొన్నట్లు వార్తలు వస్తున్నాయి.
(The above story first appeared on LatestLY on Aug 01, 2021 01:34 PM IST. For more news and updates on politics, world, sports, entertainment and lifestyle, log on to our website latestly.com).
