Covid Pandemic: మళ్లీ డేంజర్ జోన్‌లోకి అయిదు రాష్ట్రాలు, ఇండియాలో 7,569 కొత్త వేరియంట్లు గుర్తించామని తెలిపిన సీసీఎంబీ, మహారాష్ట్రను వణికిస్తున్న కరోనావైరస్, దేశంలో 13,993 కొత్త కేసులు
కొన్ని రోజులుగా ఐదు రాష్ట్రాల్లో మళ్లీ కరోనా ప్రమాద ఘంటికలు మోగుతున్నాయి. మహారాష్ట్ర, మధ్యప్రదేశ్, చత్తీస్ గఢ్, పంజాబ్, కేరళ, రాష్ట్రాల్లో రోజువారీ కేసులు (COVID-19 'upsurge' recorded in five states) మళ్లీ గణనీయంగా పెరుగుతున్నాయని కేంద్ర ఆరోగ్యశాఖ (Union Health Ministry) ప్రకటించింది.
New Delhi, Feb 20: కొన్ని రోజులుగా ఐదు రాష్ట్రాల్లో మళ్లీ కరోనా ప్రమాద ఘంటికలు మోగుతున్నాయి. మహారాష్ట్ర, మధ్యప్రదేశ్, చత్తీస్ గఢ్, పంజాబ్, కేరళ, రాష్ట్రాల్లో రోజువారీ కేసులు (COVID-19 'upsurge' recorded in five states) మళ్లీ గణనీయంగా పెరుగుతున్నాయని కేంద్ర ఆరోగ్యశాఖ (Union Health Ministry) ప్రకటించింది. ఈ రాష్ట్రాలన్నీ జాగ్రత్తగా ఉండాలని, కోవిడ్ నిబంధనలు పాటించడంలో అలసత్వం ప్రదర్శించొద్దని సూచించింది. కాగా ఈనెల 13 నుంచి మధ్యప్రదేశ్ లో కొత్త కేసులు పెరుగుతున్నాయని తెలిపింది.
మహారాష్ట్ర, కేరళలో అత్యధిక సంఖ్యలో కేసులు నమోదవుతున్నాయని చెప్పారు. గత 24 గంటల్లో ఈ రెండు రాష్ట్రాల్లో నమోదైన కొత్త కేసుల సంఖ్య 75.87 శాతంగా ఉందని తెలిపింది. ఇదే సమయంలో 18 రాష్ట్రాలు, కేంద్రపాలిత ప్రాంతాల్లో కరోనా మరణాలు సున్నాగా ఉన్నాయని వెల్లడించింది. మొత్తంగా కోవిడ్ -19 రోజువారీ కొత్త కేసులలో కేరళ, మహారాష్ట్ర, పంజాబ్, ఛత్తీస్‌గఢ్ మరియు మధ్యప్రదేశ్ "పెరుగుదల" నమోదు చేసినట్లు కేంద్ర ఆరోగ్య మంత్రిత్వ శాఖ శనివారం తెలిపింది.
ఈ వైరస్ వెలుగు చూసిన తర్వాత ఒక్క భారతదేశంలోనే ఏకంగా 7,569 కరోనా వైరస్ వేరియంట్లను కనుగొన్నామని సీసీఎంబీ శాస్త్రవేత్తల బృందం పరిశోధనలో తేలింది. హైదరాబాద్‌కు చెందిన సెంటర్ ఫర్ సెల్యూలార్ అండ్ మాలిక్యులర్ బయాలజీ (సీసీఎంబీ) శాస్త్రవేత్తల బృందం రీసెర్చ్ పబ్లికేషన్ ప్రకారం.. దేశంలో 7,569 కరోనా రకాలు ప్రస్తుతం వ్యాప్తిలో ఉన్నాయని తేల్చారు. ఈ వేరియంట్లలో రోగ నిరోధకత నుంచి తప్పించుకునే E484K మ్యుటేషన్, N501Y మ్యుటేషన్ల వ్యాప్తి ఎక్కువగా ఉన్నట్టు సీసీఎంబీ డైరెక్టర్ డాక్టర్ రాకేశ్ మిశ్రా తెలిపారు. వీటిలో కొన్ని రకాలు కొన్ని రాష్ట్రాల్లో ఎక్కువగా వ్యాప్తి చెందుతున్నట్టు పేర్కొన్నారు.
ఏడాది క్రితం ఒక్కటిగా ఉన్న కరోనా వైరస్ ఇప్పుడు లెక్కలేనన్ని వేరియంట్లుగా మారిపోయిందని డాక్టర్ మిశ్రా తెలిపారు. ఉదాహరణకు A3i వేరియంట్ ఉత్పరివర్తనాలు నెమ్మదిగా వ్యాప్తి చెందుతాయని ఊహించారు. అయితే, జూన్ 2020 నాటికి D614G ఉత్పరివర్తనాలను మోస్తున్న, ప్రపంచవ్యాప్తంగా ప్రబలంగా ఉన్న A2a వేరియంట్‌ను ఇది అధిగమించిందని అధ్యయనం ధ్రువీకరించింది. ప్రపంచవ్యాప్తంగా గతేడాది చాలాకాలం పాటు A2a వేరియంట్ ఆధిపత్యం కనబరించిందని తెలిపారు.
అలాగే గత 24 గంటల్లో 18 రాష్ట్రాలు / యుటిలు COVID-19 మరణాలను నివేదించలేదని మంత్రిత్వ శాఖ తెలిపింది. అవి తెలంగాణ, హర్యానా, జమ్మూ & కె (యుటి), జార్ఖండ్, హిమాచల్ ప్రదేశ్, త్రిపుర, అస్సాం, చండీగఢ్, లక్షద్వీప్, మణిపూర్, మేఘాలయ, లడఖ్ (యుటి), మిజోరం, సిక్కిం, నాగాలాండ్, అరుణాచల్ ప్రదేశ్, ఇందమాన్ నిక్రాన్ హవేలీ మరియు డామన్ మరియు డయ్యూగా తెలిపింది. తాత్కాలిక నివేదిక ప్రకారం శనివారం ఉదయం 8 గంటల వరకు మొత్తం 1,07,15,204 కోవిడ్ -19 వ్యాక్సిన్ మోతాదులను 2,22,313 సెషన్ల ద్వారా అందించినట్లు మంత్రిత్వ శాఖ తెలిపింది.
వీరిలో 63,28,479 మంది ఆరోగ్య కార్యకర్తలు (మొదటి మోతాదు), 8,47,161 మంది ఆరోగ్య కార్యకర్తలు (రెండవ మోతాదు), 35,39,564 మంది ఫ్రంట్‌లైన్ కార్మికులు (మొదటి మోతాదు) ఉన్నారు.మొదటి మోతాదు అందిన 28 రోజులు పూర్తి చేసిన లబ్ధిదారులకు COVID-19 టీకా యొక్క రెండవ మోతాదు ఫిబ్రవరి 13 న ప్రారంభమైంది. ఫ్రంట్‌లైన్ కార్మికులకు టీకాలు వేయడం ఫిబ్రవరి 2 న ప్రారంభమైంది.
తొమ్మిది రాష్ట్రాలు ఒక్కొక్కటి ఐదు లక్షలకు పైగా మోతాదులను ఇచ్చాయని మంత్రిత్వ శాఖ తెలిపింది. వాటి వివరాలు వరుసగా.. ఉత్తర ప్రదేశ్ (11,52,042), మహారాష్ట్ర (8,60,386), గుజరాత్ (8,56,657), రాజస్థాన్ (7,99,719), పశ్చిమ బెంగాల్ (6,50,976), కర్ణాటక (6,29,420), మధ్యప్రదేశ్ (6) , 26,391), బీహార్ (5,50,433), ఒడిశా (5,01,713).
(The above story first appeared on LatestLY on Feb 20, 2021 05:27 PM IST. For more news and updates on politics, world, sports, entertainment and lifestyle, log on to our website latestly.com).
