COVID19 in AP: ఆంధ్రప్రదేశ్‌లో కొత్తగా 3,464 కోవిడ్ కేసులు, 35 మరణాలు నమోదు, గడిచిన ఒక్కరోజులో మరో 4,284 మంది కరోనా నుంచి రికవరీ, ఏపిలో 37,323గా ఉన్న ఆక్టివ్ కేసులు
Representational Image | (Photo Credits: PTI)

Amaravathi, July 2: ఆంధ్రప్రదేశ్‌లో సెకండ్ వేవ్ కోవిడ్ వ్యాప్తి క్రమంగా క్షీణిస్తూపోతుంది, ఒకటి-రెండు జిల్లాలు మినహా దాదాపు అన్ని జిల్లాల్లోనూ కేసులు సాధారణ స్థాయిలోనే వస్తున్నాయి. ఇక రికవరీల సంఖ్య కూడా పెరుగుతుండటంతో రాష్ట్రంలో ఆక్టివ్ కేసులు క్రమంగా తగ్గుతున్నాయి.

ప్రస్తుతం ఏపిలో ప్రస్తుతం ఉన్న కోవిడ్ కేసులను ఒకసారి పరిశీలిస్తే.. గడిచిన 24 గంటల్లో రాష్ట్రవ్యాప్తంగా 93,759 మంది శాంపుల్స్ ను పరీక్షించగా 3,464 మందికి పాజిటివ్ గా నిర్ధారణ అయింది. తాజా కేసులతో రాష్ట్రంలో నమోదైన మొత్తం కోవిడ్-19 కేసుల సంఖ్య 18,96,818కు చేరింది. వీరిలో ఇతర ప్రాంతాల నుంచి వచ్చిన వారిని మినహాయిస్తే ఈ సంఖ్య  18,93,923గా ఉంది.

గడిచిన ఒక్కరోజులో తూర్పు గోదావరి జిల్లా నుంచి అత్యధికంగా 667 కోవిడ్ కేసులు నమోదు కాగా.. చిత్తూరు జిల్లా నుంచి 597 కేసులు వచ్చాయి. జిల్లాల వారీగా నివేదించబడిన పాజిటివ్ కేసులు కింద చూడవచ్చు.

AP's COVID19 Bulletin:

Status of positive cases of #COVID19 in AP

గడిచిన ఒక్కరోజులో రాష్ట్రవ్యాప్తంగా మరో 35 కోవిడ్ మరణాలు సంభవించాయి, దీంతో ఏపీలో కోవిడ్ మృతుల సంఖ్య 12,779కు పెరిగింది.

మరోవైపు, నిన్నటి నుండి ఈరోజు వరకు మరో 4,284 మంది బాధితులు కోవిడ్-19 నుండి పూర్తిగా కోలుకొని ఆసుపత్రి నుంచి డిశ్చార్జ్ అయ్యారు. ఇలా ఇప్పటివరకు 18,46,716 మంది కోలుకొని, ఆసుపత్రుల నుంచి డిశ్చార్జ్ కాగా, ప్రస్తుతం ఏపీలో 37,323 ఆక్టివ్ కేసులు ఉన్నాయని రాష్ట్ర వైద్య, ఆరోగ్య శాఖ నివేదించింది.