Telangana: తెలంగాణలో నేటి నుంచి వ్యవసాయేతర భూముల రిజిస్ట్రేషన్ల కోసం ఆన్‌లైన్ స్లాట్ బుకింగ్ ప్రారంభం, హైకోర్ట్ గ్రీన్ సిగ్నల్ ఇవ్వడంతో రాష్ట్రంలో మళ్లీ ప్రారంభమైన రిజిస్ట్రేషన్ల ప్రక్రియ

Hyderabad, December 11: హైకోర్టు ఆమోదం తెలిపడంతో, తెలంగాణలో  వ్యవసాయేతర ఆస్తుల రిజిస్ట్రేషన్ కార్యకలాపాలు మూడు నెలల తరువాత నేడు ప్రారంభమయ్యాయి. ఈ రోజు నుండి వినియోగదారులు ఆస్తుల నమోదు కోసం ఆన్‌లైన్‌లో స్లాట్‌లను బుక్ చేసుకోవచ్చు మరియు రిజిస్ట్రేషన్లు డిసెంబర్ 14 నుండి సబ్ రిజిస్ట్రార్ కార్యాలయాలలో ప్రారంభమవుతాయి.

స్లాట్ బుకింగ్ ప్రక్రియ రాష్ట్రంలోని 141 సబ్ రిజిస్ట్రార్ కార్యాలయాల్లో ఈ రోజు ప్రారంభమవుతుంది. స్లాట్ బుక్ చేసుకోకపోతే భూ రిజిస్ట్రేషన్లు నిర్వహించవద్దని ప్రభుత్వం రాష్ట్ర ప్రధాన కార్యదర్శిని ఆదేశించింది. స్లాట్ మోడ్‌లతో CARS కింద పాత పద్ధతిలో రిజిస్ట్రేషన్లు చేయబడతాయి. రిజిస్ట్రేషన్ల కోసం ఆస్తిపన్ను గుర్తింపు సంఖ్య (పిటిఐఎన్) ను  చెప్పడానికి కోర్టు గురువారం ప్రభుత్వానికి అనుమతి ఇచ్చింది.

మొదట్లో వ్యవసేయేతర భూములు, ఆస్తుల రిజిస్ట్రేషన్ ప్రక్రియ కూడా ధరణి పోర్టల్ ద్వారానే నిర్వహించాలని ప్రభుత్వం నిర్ణయించింది, కాని సాంకేతిక సమస్యల కారణంగా, ఆస్తుల నమోదు ఆలస్యం అయింది.

అంతేకాకుండా పలువురు భూయజమానులు ధరణి పోర్టల్ ద్వారా ఆస్తుల నమోదుపై అభ్యంతరాలు, సందేహాలు వ్యక్తం చేస్తూ హైకోర్టును ఆశ్రయించారు. వారి అభ్యంతరాలను పరిగణనలోకి తీసుకున్న హైకోర్టు, పాత పద్ధతిలోనే ఆస్తి రిజిస్ట్రేషన్లను తిరిగి ప్రారంభించాలని ప్రభుత్వాన్ని కోరింది. దీంతో ప్రభుత్వం పాత పద్ధతిలోనే రిజిస్ట్రేషన్లకు అనుమతించింది. అయితే ప్రభుత్వం కూడా కౌంటర్ దాఖలు చేసేందుకు హైకోర్ట్ అవకాశం ఇచ్చింది. డిసెంబర్ 14 లోపు కౌంటర్ దాఖలు చేయాల్సిందిగా ప్రభుత్వానికి సూచిస్తూ, తదుపరి విచారణను హైకోర్ట్ డిసెంబర్ 16కు వాయిదా వేసింది.

(The above story first appeared on LatestLY on Dec 11, 2020 02:06 PM IST. For more news and updates on politics, world, sports, entertainment and lifestyle, log on to our website latestly.com).