BRS leader, MLC K Kavitha taken to hospital from Tihar jail

Hyd, Feb 13: జనగామ జిల్లా పర్యటనలో కాంగ్రెస్ పార్టీపై భారత రాష్ట్ర సమితి (BRS) MLC కల్వకుంట్ల కవిత మండిపడ్డారు. కాంగ్రెస్‌ ధోకేబాజ్‌ పార్టీ అని.. మాటలు చెప్పి మోసం చేయడం ఆ పార్టీకి అలవాటేనని కవిత విమర్శించారు. తెలంగాణలోని అధికార కాంగ్రెస్ పార్టీ BRS నాయకులను వేధిస్తోందని, ఈ చర్యలను నమోదు చేయడానికి తమ పార్టీ 'పింక్ బుక్' నిర్వహిస్తుందని హెచ్చరించారు. BRS తిరిగి అధికారంలోకి వచ్చిన తర్వాత, అటువంటి వేధింపులకు పార్టీ పరిణామాలను నిర్ధారిస్తుందని ఆమె నొక్కి చెప్పారు.

సోషల్ మీడియా ఆంక్షలపై మాట్లాడుతూ, ముఖ్యమంత్రి రేవంత్ రెడ్డి తన ప్రభుత్వానికి వ్యతిరేకంగా చేసిన వ్యాఖ్యలకు భయపడుతున్నారని కవిత ఆరోపించారు. "ఎవరైనా ప్రభుత్వానికి వ్యతిరేకంగా ట్విట్టర్ లేదా ఫేస్‌బుక్‌లో వ్యాఖ్య పోస్ట్ చేసినా, పోలీసులు వెంటనే వారిని అరెస్టు చేస్తున్నారు" అని ఆమె పేర్కొన్నారు. కాంగ్రెస్ నాయకుడు రాహుల్ గాంధీని మరింత విమర్శిస్తూ, "రాహుల్ గాంధీ రాజ్యాంగాన్ని తన జేబులో పెట్టుకుంటుండగా, రేవంత్ రెడ్డి దానిని తొక్కేస్తున్నాడు" అని ఆమె అన్నారు. ప్రొఫెసర్ కె. జయశంకర్ బోధనలను కూడా కవిత గుర్తుచేసుకున్నారు, తమ పార్టీ అణచివేతను ఎలా నమోదు చేయాలో మరియు దానికి వ్యతిరేకంగా ఉద్యమాలను ఎలా నడిపించాలో నేర్చుకుందని పేర్కొన్నారు. BRS తన కార్మికులు మరియు కార్యకర్తలకు అండగా నిలుస్తుందని ఆమె పునరుద్ఘాటించారు.

విలేఖరుల ముసుగులో అక్రమ దందా.. ఏడుగురిపై కేసు నమోదు, కారు సీజ్.. బెదిరింపులకు పాల్పడితే సమాచారం ఇవ్వాలని పోలీసుల సూచన

బీసీ బిల్లును ఆమోదించి కేంద్రానికి పంపి చేతులు దులుపుకుంటే కుదరదన్నారు. అసెంబ్లీలో ఒక్క బిల్లు కాకుండా.. మూడు వేర్వేరు బిల్లులు పెట్టాలని డిమాండ్‌ చేశారు. విద్యలో 46 శాతం రిజర్వేషన్లు కల్పిస్తూ ఒక బిల్లు తేవాలని.. ఉద్యోగాల్లో 46 శాతం రిజర్వేషన్లకు మరొక బిల్లు పెట్టాలని డిమాండ్‌ చేశారు. 42 శాతం స్థానిక ఎన్నికల్లో రిజర్వేషన్లు కల్పిస్తామని కాంగ్రెస్ హామీ ఇచ్చిందని.. ఈ మేరకు బీసీలకు రాజకీయ రంగంలో 42 శాతం రిజర్వేషన్లు కల్పిస్తూ బిల్లు తేవాలన్నారు. బిల్లు పెట్టిన వెంటనే నోటిఫికేషన్‌ జారీ చేస్తేను ఎన్నికల్లో రిజర్వేషన్లు సాధ్యమవుతాయన్నారు.

బీఆర్ఎస్ పార్టీ చేసిన ఉద్యమాలకు దిగొచ్చిన ప్రభుత్వం బీసీ బిల్లు పెడుతామని ప్రకటించిందని.. ఇదే బీసీలందరి తొలి విజయమన్నారు. మళ్లీ కుల సర్వేకు అవకాశం ఇస్తామని ప్రభుత్వం చెప్పిందని.. 15 రోజుల కాకుండా నెల రోజుల పాటు సమయం ఇవ్వాలని డిమాండ్‌ చేశారు. హైదరాబాద్‌లో 60శాతం మంది తమ ఇళ్లకు సర్వే చేసే వారు రాలేదని అంటున్నారని.. రీ సర్వేపై ప్రభుత్వం విస్తృతంగా ప్రచారం చేయాలని ప్రభుత్వాని సూచించారు. టోల్ ఫ్రీ నంబర్లను విస్త్రృతంగా ప్రజల్లోకి తీసుకెళ్లాలన్నారు.