source:pixabay

కిడ్నీలు మన శరీరంలో అత్యంత ముఖ్యమైన అవయవాలుగా పనిచేస్తాయి. అవి రక్తాన్ని శుభ్రం చేయడం, ద్రవాలను సమతుల్యం చేయడం, ఉప్పు, ఖనిజాలు, వ్యర్థాలను బయటకి పంపడం వంటి ప్రాథమిక పనులను నిర్వహిస్తాయి. కాబట్టి కిడ్నీల ఆరోగ్యంగా మన ఆరోగ్యం కూడా చాలా బాగుంటుంది. కిడ్నీలను బలంగా ఉంచడానికి సరైన ఆహారం, జీవనశైలి ఎంతో అవసరం. అయితే కొన్ని ఆహార పదార్థాలు కిడ్నీలను నష్టపరచవచ్చు. ఈ పదార్థాలు అధికంగా తీసుకుంటే కిడ్నీలపై ఒత్తిడి పెరిగి అవి పాడవ్వడం ప్రారంభమవుతాయి.

ప్రాసెస్ చేసిన మాంసాలు కిడ్నీలకు హానికరంగా ఉంటాయి. వీటిలో సొడియం, రసాయనాలు ఎక్కువగా ఉంటాయి, ఇది కిడ్నీల పని సామర్థ్యాన్ని తగ్గించవచ్చు. అలాగే అధిక సొడియం ఉన్న ఆహార పదార్థాలు.. ఉదాహరణకు ప్యాకెజ్ చేసిన సూప్స్, ఫ్రోజన్ ఫుడ్స్, ఫాస్ట్ ఫుడ్ లలోని ఉప్పు కిడ్నీలను దెబ్బతీయడానికి కారణమవుతుంది.

అలాగే కృత్రిమ స్వీట్లు కూడా కిడ్నీలను నష్టపరచే ప్రమాదం కలిగిస్తాయి. ఇవి షుగర్ ఫ్రీ అని భావించినా, రసాయనాల వల్ల కిడ్నీల పై ఒత్తిడి పెరుగుతుంది. అలాగే చక్కెర కలిపిన పానీయాలు, కోలా, ఫ్రూట్ జ్యూస్, షరబ్ వంటి పానీయాలు ఎక్కువగా తాగితే, శరీరంలో చక్కెర స్థాయిలు పెరిగి కిడ్నీలు అధికంగా పనిచేయాల్సి వస్తుంది.

రోజూ 10 నిమిషాలు వెనుకకు నడవడం వల్ల కలిగే అద్భుత ప్రయోజనాలు ఇవిగో, వెన్నునొప్పి, మోకాళ్ల నొప్పి అన్నీ మాయమయిపోతాయి..

అలాగే ప్రాసెస్ చేసిన స్నాక్స్, ఆల్‌మండ్, నట్ మిక్స్, చిప్స్ లాంటి ఫ్రైడ్ లేదా ప్యాకెజ్ చేసిన స్నాక్స్ కూడా కిడ్నీలను హానికరంగా ప్రభావితం చేస్తాయి. వీటిలో ఉప్పు, ఫాస్పరస్, రసాయనాలు ఎక్కువగా ఉంటాయి. సోడా, డెయిరీ ఉత్పత్తులు కూడా ఫాస్పరస్ పరిమాణం ఎక్కువగా ఉన్నందున.. ఎక్కువగా తీసుకోవడం కిడ్నీలను ఇబ్బందిలో పడేసే అవకాశం ఉంది.

ఆల్కహాల్ కూడా కిడ్నీలపై నేరుగా ప్రభావం చూపుతుంది. ఎక్కువ మోతాదులో మద్యం తాగడం వల్ల డీహైడ్రేషన్, రక్త ప్రవాహ సమస్యలు, కిడ్నీల పని సామర్థ్యానికి హాని కలుగుతుంది. అదనంగా అధిక ప్రోటీన్ ఉన్న ఆహారాలు, ముఖ్యంగా రెడ్ మిట్, ప్రోటీన్ సప్లిమెంట్స్ అధికంగా తీసుకోవడం వల్ల కిడ్నీలపై ఒత్తిడి పెరుగుతుంది. ఉప్పు అధికంగా తీసుకోవడం, రక్తపోటును పెంచడం, కిడ్నీల పనితీరును తగ్గించడం వల్ల అవి పాడవ్వడానికి అవకాశం ఉంటుంది.

కిడ్నీల ఆరోగ్యాన్ని కాపాడుకోవాలంటే సమతుల్య ఆహారం తీసుకోవడం, తగినంత నీరు తాగడం, ఉప్పు, చక్కెర, ఆల్కహాల్, ప్రాసెస్ చేసిన ఫుడ్స్, కృత్రిమ స్వీట్లు, అధిక ప్రోటీన్ వంటివి పరిమితం చేయడం ముఖ్యం. ఈ విధంగా సరైన ఆహార శైలి పాటించడం ద్వారా కిడ్నీలను బలంగా ఉంచుకోవచ్చు, రకరకాల సమస్యలు రాకుండా నివారించవచ్చు.

Disclaimer: పైన పేర్కొన్న సమాచారం వైద్య సలహా కాదు. పై సమాచారానికి ఎలాంటి శాస్త్రీయ రుజువులు లేవు. ఈ సమాచారాన్ని లేటెస్ట్ లీ ధృవీకరించడం లేదు. మీకు ఏదైనా అనారోగ్యం తలెత్తితే వెంటనే సర్టిఫైడ్ డాక్టర్ ను సంప్రదించండి