Virat Kohli Hugs Lady Fan: వీడియో ఇదిగో, విరాట్ కోహ్లీ హగ్ ఇచ్చిన ఆ లక్కీ లేడీ ఎవరు ? సోషల్ మీడియాలో తెగ చర్చించుకుంటున్న నెటిజన్లు
ఫిబ్రవరి 12, బుధవారం అహ్మదాబాద్లో ఇంగ్లాండ్తో జరిగే మూడో వన్డేకు ముందు ఇతర ఆటగాళ్లతో కలిసి అహ్మదాబాద్కు బయలుదేరడానికి భువనేశ్వర్ విమానాశ్రయంలోకి ప్రవేశించిన వెంటనే టీం ఇండియా బ్యాటింగ్ స్టార్ విరాట్ కోహ్లీ ఒక అభిమానిని కౌగిలించుకున్నాడు
ఫిబ్రవరి 12, బుధవారం అహ్మదాబాద్లో ఇంగ్లాండ్తో జరిగే మూడో వన్డేకు ముందు ఇతర ఆటగాళ్లతో కలిసి అహ్మదాబాద్కు బయలుదేరడానికి భువనేశ్వర్ విమానాశ్రయంలోకి ప్రవేశించిన వెంటనే టీం ఇండియా బ్యాటింగ్ స్టార్ విరాట్ కోహ్లీ ఒక లేడి అభిమానిని (Virat Kohli Hugs Lady Fan) కౌగిలించుకున్నాడు. సోషల్ మీడియాలో వైరల్ అయిన వీడియోలో, మహిళా అభిమానిని కౌగిలించుకున్న తర్వాత కోహ్లీని పోలీసులు భద్రతా నడుమ మధ్య అక్కడి నుంచి వెళ్లారు. ఆదివారం కటక్లోని బారాబతి స్టేడియంలో ఇంగ్లాండ్తో జరిగిన రెండో వన్డేలో భారత మాజీ కెప్టెన్ ఒక్క అంకె స్కోరుకే పరిమితమయ్యాడు.
కటక్ లో రెండో వన్డే ముగిసిన తర్వాత మూడో మ్యాచ్ కోసం జట్టు అహ్మదాబాద్ వెళ్లేందుకు భువనేశ్వర్ విమానాశ్రయానికి చేరుకుంది. ఇక ఎయిర్పోర్టులో చెకింగ్ ఏరియాకు ముందు తమ అభిమాన ఆటగాళ్లను చూసేందుకు కొంతమంది ఫ్యాన్స్ వేచి చూస్తున్నారు. ఇంతలోనే అటువైపుగా వచ్చిన కోహ్లీ.. ఆ గుంపులో నిలబడ్డ ఓ మహిళను చూసి నవ్వుతూ ఆమె వద్దకు వెళ్లాడు. మహిళ దగ్గరికి వెళ్లి హగ్ (Virat Kohli Hugs Fan ) ఇచ్చి మాట్లాడాడు. దాంతో అక్కడే ఉన్న మిగిలిన అభిమానులు కోహ్లీకి షేక్హ్యాండ్ ఇచ్చేందుకు ప్రయత్నించారు. దీంతో భద్రతా సిబ్బంది కలగజేసుకుని విరాట్ను అక్కడి నుంచి పంపించారు.
Virat Kohli Hugs Lady Fan:
Virat Kohli met a lady (close relative) at Bhubaneswar airport🥹❤️ pic.twitter.com/r71Du0Uccf
— 𝙒𝙧𝙤𝙜𝙣🥂 (@wrognxvirat) February 10, 2025
That Hug 🥺❤️ pic.twitter.com/nSkwhmtZUs
— Virat Kohli Fan Club (@Trend_VKohli) February 10, 2025
భారత్, ఇంగ్లండ్ మూడు వన్డేల సిరీస్ విషయానికి వస్తే... ఇప్పటికే రెండు మ్యాచ్లు ముగిశాయి. ఈ రెండింటీలోనూ ఆతిథ్య భారతే విజేతగా నిలిచింది. దీంతో టీమిండియా 2-0తో సిరీస్ను కూడా కైవసం చేసుకుంది. దాంతో రేపు (బుధవారం) అహ్మదాబాద్ వేదికగా జరిగే మూడో వన్డే నామమాత్రంగా మారింది.
(The above story first appeared on LatestLY on Feb 11, 2025 04:38 PM IST. For more news and updates on politics, world, sports, entertainment and lifestyle, log on to our website latestly.com).
